మేడ్చల్ మల్కాజిగిరి జిల్లా నారపల్లిలో గ్రామా దేవత (బొడ్రాయి) ప్రతిష్టాపన అంగరంగ వైభవంగా జరిగింది. గతంలో ఉన్న బొడ్రాయి స్థానంలో కొత్తగా దేవతను ప్రతిష్టించారు. ఈ కార్యక్రమం కోసం గత మూడు రోజులుగా నారపల్లి లో పండుగ వాతావరణం నెలకొంది. శనివారం జరిగిన విగ్రహ ప్రతిష్టకు పోచారం మున్సిపల్ చైర్మన్ కొండల్ రెడ్డు హాజరై అమ్మవారి దర్శనం చేసుకున్నారు. ఉదయం నుంచి సాయంత్రం వరకు గ్రామస్తులు పెద్ద ఎత్తున బోనాలు సమర్పించారు.
