అసలే ఆకాశాన్ని అంటిన ధరలతో కొండెక్కి కూర్చున్న టమాటోలకి మార్కెట్ లో ఇంతా, అంతా డిమాండ్ లేదు. కూరలోకి ఒక్క టమాట దొరికిన చాలానే ఆలోచన. అందుకే వాటిని సాగుచేస్తున్న రైతులు దొంగల బెడద నుంచి కాపాడలేక నానా తంటాలు పడుతున్నారు. ఎలాగో పంటను కోసి మార్కెట్ కి చేరవేద్దామంటే రవాణా భయం. వాటిని తీసుకువెళ్తున్న లారీ గమ్య స్థానానికి చేరేంత వరకు రైతుకు గుబులే. మొన్న ఆదిలాబాద్ జిల్లలో ఓ టమాటోల లారీ బోల్తా పడగా తాజాగా ఆసిఫాబాద్ జిల్లాలో మరో లారీ ప్రమాదానికి గురైంది. కొమురంభీం ఆసిఫాబాద్ జిల్లా వాంకిడి వద్ద 15 లక్షల విలువైన టమాటోల లారీ బోల్తా పడింది. సమాచారం అందుకున్న పోలీసులు హుటహుటిన అక్కడికి చేరుకొనే దొంగలు ఎత్తుకుపోకుండా కాపలా ఉన్నారు. అయితే, మామూలుగా లాఠీలతో కాకుండా తుపాకితో రావడం కొసమెరుపు.
updates
