తమిళ సూపర్ స్టార్ రజినీకాంత్ ను గవర్నర్ పదవి వరించనున్నట్టు సమాచారం అందుతోంది. కొద్ది రోజులుగా రజిని చేస్తున్న,పర్యటనలు దీనికి ఉతమిస్తున్నాయి. ఇటీవల అయన యూపీ సీఎం యోగి, జార్ఖండ్ గవర్నర్ రాధాకృష్ణన్, తమిళనాడు మాజీ సీఎం పన్నీర్ సెల్వంతో భేటీ కావడం రాజకీయ పరిశీలకులను ఆలోచనలలో పడేసింది. రజినీకాంత్ కు కేంద్ర ప్రభుత్వం మరికొన్ని రోజుల్లోనే గవర్నర్ పదవి
ఇవ్వనుందనే వార్తలు గుప్పుమన్నాయి. ఇదే విషయాన్ని అయన సోదరుడు సత్యనారాయణ వద్ద ప్రస్తావిస్తే ఏ పదవిపై ఆశలు పెట్టుకో లేదు కానీ, ఒకవేళ అది వరిస్తే సంతోషిస్తాం, దాన్ని రజినీ కూడా తప్పకుండా స్వీకరిస్తారు, అంతా దేవుడి చేతుల్లో ఉందని చెప్పుకు రావడం గమనార్హం. తమిళనాట రాజకీయాల్లో ప్రవేశంపై స్థిరమైన నిర్ణయం తీసుకోని రజినీకి ఒకవేళ కేంద్రం గవర్నర్ గిరి అప్పజెప్పే ఆలోచన చేస్తే ఆయన స్పందన ఎలా ఉంటుందో వేచి చూడాలి.
గవర్నర్ “రజినీ”…?
