టీమిండియా మాజీ కెప్టెన్‌ ధోనికి ప్రపంచ వ్యాప్తంగా కోట్ల కొద్ది అభిమానులున్నారు. అందులో తెలుగు వాళ్ల సంఖ్య కూడా ఎక్కువే. అయితే, తాజాగా తెలుగు వాళ్లు ధోనిపై తమ వంద అడుగుల అభిమానం చాటారు. ధోని పుట్టిన రోజు సందర్భంగా ఆంధ్రప్రదేశ్‌లో వంద అడుగుల భారీ కటౌట్ ఏర్పాటు చేశారు. ఆంధ్రప్రదేశ్ లోని నందిగామలో తెలుగు ధోని ఫ్యాన్స్ ఆధ్వర్యంలో ఈ భారీ కటౌట్ ఏర్పాటు చేశారు. ధోని పుట్టిన రోజు నాడు ఈ కటౌట్‌ను ఫ్యాన్స్ తో స్థానిక ఎమ్మెల్యే తంగిరాల సౌమ్య ఆవిష్కరించారు. ధోని పుట్టిన రోజున దేశ వ్యాప్తంగా ఉన్న ధోని ఆయన అభిమానులు స్వీట్లు పంచడం, అన్నదానం చేయడం లాంటి కార్యక్రమాలు కూడా నిర్వహిస్తూ ఉంటారు. అయితే, నందిగామ తెలుగు అభిమానులు ఒక అడుగు ముందుకేసి ఏకంగా వంద అడుగుల భారీ కటౌట్‌ను ఏర్పాటు చేయడం విశేషం.
“వంద అడుగుల” అభిమానం…
